ಭುವನ್‌ ಗೌಡ ಅದ್ಧೂರಿ ರಿಸೆಪ್ಷನ್ ಪಾರ್ಟಿಯಲ್ಲಿ ಖ್ಯಾತ ತಾರೆಯರ ಸಮ್ಮಿಲನ!

ವರದಿಗಾರರು : ಕೊಟ್ರಪ್ಪ H || ಸ್ಥಳ : ಬೆಂಗಳೂರು
ವರದಿ ದಿನಾಂಕ : 28-10-2025

ಬೆಂಗಳೂರು: ಸಿನೆಮ್ಯಾಟೋಗ್ರಾಫರ್‌ ಭುವನ್ ಗೌಡ ಅವರ ವಿವಾಹ ಮಹೋತ್ಸವ ಅದ್ಧೂರಿಯಾಗಿ ಜರುಗಿದೆ. ಅಕ್ಟೋಬರ್‌ 24ರಂದು ನಡೆದ ವಿವಾಹದ ನಂತರ, ನವದಂಪತಿ ಭುವನ್ ಗೌಡ - ನಿಖಿತಾ ಅವರ ಆರತಕ್ಷತೆ ಪಾರ್ಟಿ ಪಾಶ್ಚಾತ್ಯ ಶೈಲಿಯಲ್ಲಿ ಗ್ರ್ಯಾಂಡ್ ಆಗಿ ನಡೆಯಿತು.

ರಿಸೆಪ್ಷನ್ ಪಾರ್ಟಿಯಲ್ಲಿ ಕನ್ನಡ ಚಿತ್ರರಂಗದ ಖ್ಯಾತ ತಾರೆಯರು, ನಿರ್ದೇಶಕರು, ಹಾಗೂ ಆಪ್ತರು ಭಾಗವಹಿಸಿ ನವದಂಪತಿಗೆ ಶುಭಾಶಯ ಕೋರಿದರು.

🎥 ಯಾರೆಲ್ಲಾ ಹಾಜರಿದ್ದರು? ‘ಕೆಜಿಎಫ್: ಚಾಪ್ಟರ್ 1’, ‘ಕೆಜಿಎಫ್‌: ಚಾಪ್ಟರ್ 2’, ‘ಸಲಾರ್ ಪಾರ್ಟ್ 1’ ಮತ್ತು ‘ಸಲಾರ್ ಪಾರ್ಟ್ 2’ ಸಿನಿಮಾಗಳಿಗೆ ಕ್ಯಾಮೆರಾ ಹಿಡಿದಿರುವ ಭುವನ್ ಗೌಡ ಅವರ ರಿಸೆಪ್ಷನ್‌ನಲ್ಲಿ ಪ್ಯಾನ್ ಇಂಡಿಯಾ ನಿರ್ದೇಶಕ ಪ್ರಶಾಂತ್ ನೀಲ್, ನಟಿಯರಾದ ನಿಧಿ ಸುಬ್ಬಯ್ಯ, ಶಾನ್ವಿ ಶ್ರೀವಾಸ್ತವ, ರಾಗಿಣಿ ದ್ವಿವೇದಿ, ಅಮೃತಾ ಅಯ್ಯಂಗಾರ್, ದಿಶಾ ಮದನ್, ಶ್ರೀಲೀಲಾ, ನಿರ್ದೇಶಕ ಪನ್ನಗಾಭರಣ, ಆರ್‌ಜೆ ಮಯೂರ, ಹಾಗೂ ‘ಬಿಗ್ ಬಾಸ್’ ವಿಜೇತ ಕಾರ್ತಿಕ್ ಮಹೇಶ್ ಸೇರಿದಂತೆ ಅನೇಕರು ಹಾಜರಿದ್ದರು.

ಆರತಕ್ಷತೆ ವೈಶಿಷ್ಟ್ಯ ರಿಸೆಪ್ಷನ್‌ನಲ್ಲಿ ನವದಂಪತಿಗಳು ಕೇಕ್ ಕತ್ತರಿಸಿ ಸಂಭ್ರಮ ಹಂಚಿಕೊಂಡರು. ಈ ಸಂದರ್ಭ ಕಾವ್ಯ ಗೌಡ, ಸಹೋದರಿ ಭವ್ಯಾ ಗೌಡ ಹಾಗೂ ಕುಟುಂಬ ಸದಸ್ಯರು ಉಪಸ್ಥಿತರಿದ್ದರು.

ಭುವನ್ ಗೌಡ ಮತ್ತು ನಿಖಿತಾ ಅವರ ರಿಸೆಪ್ಷನ್ ಪಾರ್ಟಿಯ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಹರಿದಾಡುತ್ತಿವೆ. ತಾರೆಯರ ಪೋಷಾಕು, ಔತಣ ಹಾಗೂ ಅದ್ಧೂರಿ ಅಲಂಕಾರ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.