.jpeg)
:
ವರದಿಗಾರರು :
ಎಂ. ಬಸವರಾಜ್ ||
ಸ್ಥಳ :
ಕಕ್ಕುಪ್ಪಿ
ವರದಿ ದಿನಾಂಕ :
22-10-2025
ಕಕ್ಕುಪ್ಪಿಯಲ್ಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ದುರಂತ: ವಿದ್ಯಾರ್ಥಿನಿ ಕುಟುಂಬಕ್ಕೆ ₹10,000 ನೆರವು
ಕಕ್ಕುಪ್ಪಿ, 21 ಅಕ್ಟೋಬರ್ 2025: ಕಕ್ಕುಪ್ಪಿ ಗ್ರಾಮದಲ್ಲಿ ಸಂಭವಿಸಿದ ದುರ್ಘಟನೆ ಒಂದು ಗ್ರಾಮದವರ ಮನಗಳನ್ನು ತಟ್ಟಿದೆ. ಕಳೆದ ಸೆಪ್ಟೆಂಬರ್ 16 ರಂದು ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ನಿಂದ ಶ್ರೀಮತಿ ಅಂಬಿಕಾ ಹೂಲೇಶ್ ಅವರ ಮಗಳು, ವಿದ್ಯಾರ್ಥಿನಿ ಕೆ.ಎಚ್. ಭಾಗ್ಯಶ್ರೀ ದುರ್ಘಟನೆಯಲ್ಲಿ ಮೃತಪಟ್ಟಿದ್ದು, ಈ ಘಟನೆಯು ಎಲ್ಲರಿಗೂ ಆತಂಕದಾಯಕವಾಗಿತ್ತು.
ಈ ಘಟನೆಯ ಬಗ್ಗೆ ತಿಳಿದು, ಗ್ರಾಮದ ದೈವಸ್ಥ ಸಮಿತಿಗಳು, ಯುವಕರು ಮತ್ತು ಸಮಾಜಮುಖಿ ಸಂಘಟನೆಗಳು ಮುಂಚೂಣಿ ವಹಿಸಿ, ಆ ಕುಟುಂಬಕ್ಕೆ ಸಹಾಯಹಸ್ತ ಚಾಚಿದ್ದಾರೆ. ಶೋಕಸಂತಪ್ತ ಕುಟುಂಬಕ್ಕೆ ಭಾವಪೂರ್ಣ ಸಾಂತ್ವನ ಸಲ್ಲಿಸಲು ಈ ದಿವಸ (ಅಕ್ಟೋಬರ್ 21) ಮೃತರ ಮನೆಗೆ ಭೇಟಿ ನೀಡಲಾಯಿತು.
ಶ್ರೀ ಬಸವೇಶ್ವರ ದೇವಸ್ಥಾನ ಅಭಿವೃದ್ಧಿ ಸೇವಾ ಸಮಿತಿಯಿಂದ ₹10,000 ಮೌಲ್ಯದ ಚೆಕ್ಕು ಸಹಾಯಧನವಾಗಿ ಕುಟುಂಬಕ್ಕೆ ವಿತರಿಸಲಾಯಿತು. ಈ ಕಾರ್ಯವು ಯಾವುದೇ ವೈಯಕ್ತಿಕ ಗುರಿ ಅಥವಾ ಪ್ರತಿಷ್ಠೆಗಾಗಿ ಅಲ್ಲ, ಬದಲಿಗೆ ಸಮಾಜಮುಖಿ ಸೇವೆಯ ಸಂಕೇತವಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
"ಮಾಡುವ ಸಹಾಯವು ಕೈಯಲ್ಲಿ ಕೊಟ್ಟು ಎಡ ಕೈಗೂ ತಿಳಿಯದಿರಬೇಕು" ಎಂಬ ತತ್ವವನ್ನು ಪಾಲಿಸುತ್ತಾ, ಇಂತಹ ಸಹಾಯ ಕಾರ್ಯಗಳು ಮುಂದೆಯೂ ನಡೆಯಲಿ ಎಂಬುದು ಸಂಘಟಕರ ಆಶಯ. ಜಾತಿ, ಪಾರ್ಥೀಯತೆ ಇಲ್ಲದೆ, ಯಾವುದೇ ಆತಂಕದ ಸಂದರ್ಭಗಳಲ್ಲಿ ಮೃತರ ಕುಟುಂಬಗಳಿಗೆ ಕೈಜೋಡಿಸುವ ಮನವಿಯನ್ನು ಇವರು ಸಾರ್ವಜನಿಕರಿಗೆ ಮಾಡಿದ್ದಾರೆ.
.jpeg)
